Schnäderänte-Clique Basel
Waage-Vernisage
Liebe Schnäderänte und Fründe vo dä Schnäderänte
Dä Sunntig 26.02. am 3 am Nomidaag findet d'Vernisage vo unsem neue Waage statt. Kömmet doch go luege.
Mir freue uns.
Die Aggdive vo de Schnäderänte
|
Do kasch dr ä paar Iyydrigg mache vo unserem Clique-Käller! Doch lo dr aber sage, kai Bildli schafts ä Käller-Stimmig z'iyberdraage... Deshalb mach die Schritt zu uns aabe, lueg verby und due nit verzage, denn a de Högg gits nämlig au eppis z'gnage.
Fasnachts-Erinnerige 14.-16. März 2011I dängg zrugg, wie ischs scho wieder gstartet. I ha lang uf e Morgestraich das Joor
gwartet. Spoot im Joor, jäwoll s'isch spürbar wärmer, äs het vyl Liit und die Nöchi
macht no wärmer.
Ä Stund nach em "Morgestraich forwärts Marsch!" sitz ich bereits im Käller dinne.
Äme Verbot zum Dank raucht gar kar ä keine Dinne. Mit eme Stigg Waihe und ä
paar Schnäderäntli wird gstartet. So isch mi Morgestraich, wie i lang ha druff gwartet.
I mach mi uf d'Sogge, leg mit Goschtim aa. I find fascht alles, dr Räscht isch glaub
bim Läädermaa.
I Startstellig bim Waisehuus, teschte mir dr Zapfhane vom Bier.
Mache d'Blueme parat fiirs Schätzli und dringe bevors losgot nomol ä Bier.
Bereits uf dr Wettstaibrugg dr erschti Stau und i schwietz bereits wie e Sau.
D'Blueme kemme riesig aa und d'Räppli gseht me ä Mängem aa.
So gots witter ä ganze Cortège lang. Mol mit Gugge im Rugge, äme Tambur drvor,
ä paar Pfiffer drnäbe und verby an vyle andere Wääge.
Am Zyschtig gsesch Vyli zieh und stosse, denn d'Binggis löhn sich durch Stadt lo
stosse. Anderi finde bim Hotel Basel ä Bangg. Ob Läberli suur oder halt ä Wurscht,
mi het aifach die ganzi Zyt Durscht!
Im Käller aacho isch ebefalls grad Service Zyt. Zwei Änte do, siebe Änte deert,
ein ohni Zucker und nomol zwei Schwinswiirschtli deert.
Am Mittwoch gots vo vorne los. Dr Matthias fahrt mit Vollgas los. Chum uf dr Route
ghersch ein schreie, es heg ein zvyl Orange lo ghaie. S'Wurfmaterial lot sich zuekünftig
angäglib nümm no me lo rationiere. Dr Räge setzt ufsmol ii, und d'Däffi länge für mee
als es no syy.
Es isch sowit dr Ändstraich lost Alli nomol uselogge. Bald ischs verbyy und mir sind
hoffentlich au negscht Joor wieder drbyy.
Doppelmeter
TV-Biiträg zur Fasnacht:
|
Clique-LäbeDo erfahrsch mol eppis über's Clique-Läbe
|
